香草香蕉麵包 ~ 麵包機

噚晚整咗磅香草香蕉麵包今朝做早餐，加埋隻煎蛋+公仔麵+凍檸水...正!!!

個麵包真係好似英式麵包...好好味... (^.^)

海綿麵糊材料： 

凍滾水.....................................175ml
乾酵母.....................................1茶匙
高筋麵粉..................................100克

做法：
(1) 將水放入麵包機內盆，加乾酵母，拌勻，待十五至三十分鐘，至出現泡沫。
(2) 加入高筋麵粉，選擇"Dough"揉麵五分鐘，熄機靜置二小時。

主麵團材料：

香蕉蓉......................................1隻
橄欖油.......................................2湯匙
高筋麵粉...................................140克
糖…………………………………1湯匙
鹽..............................................1茶匙
香草...........................................適量

做法：
(1) 香蕉蓉、油、麵粉、鹽、糖順序放入麵包機內的海綿麵糊中，或按麵包機指示放入材料。
(2) 選好麵包機功能，便可開始。

(3) 材料攪拌五分鐘後，檢查麵團會否過乾或過濕。如果太濕，可加一至兩湯匙麵粉；太乾，則可加一至兩湯匙水。每次先加一湯匙麵粉或水，觀察麵團濕度，才決定是否再添加麵粉或水。
(4) 麵包機搓麵包時，響起"咇"聲時加入香草。

註：請緊記酵母是不可接觸到鹽及糖的，否則酵母會壞死。

香茜肉碎餃

噚日係街市買咗D無梘水味ge黃色餃子皮返嚟，跟住用埋噚日整腸粉剩低的材料，係大少同二少出咗去返學的時候，包定等佢哋返嚟食...

果然真係無梘水味...正!!!

材料(約70隻)：
雲吞皮(黃色去梘餃子皮)…...............12兩 (1斤大約有100張)
半肥廋豬肉碎………………...........………11兩
木耳.................................................1瓣
香茜.................................................3/5兩
水.....................................................適量

調味料：
鹽、麻油、胡椒粉、粟粉適量

做法：
(1) 木耳先用熱水浸腍，切絲備用。
(2) 把調味料、材料加入豬肉碎中攪勻成餡料。
(3) 取一塊餃子皮，把餡料放餃皮中，於餃子皮的邊塗上水，對摺成三角形(同時盡量把餃子中的空氣壓出)，再將兩邊角向中間摺。
(4) 煲滾水，放下餃子，煲至餃子浮面即成。

註：
勿塗過多的水將餃子定位，只需用來封口便可，因太多會另餃子皮過硬。湯底可隨個人喜好自行選擇，我較喜歡用清水，因我喜歡點辣的醬油一起吃，而小朋友又可以食得清一點。

香茜肉碎腸

今日手痕，整咗碟香茜肉碎腸比大少做宵夜，好味...但係個賣相就... =.="

個皮真係好難包，原本想懶吓，唔用布包，睇嚟下次真係要試吓用布包先至得...

腸粉漿材料 (約4~5條)：
水磨粘米粉......................................40克
鷹粟粉.............................................7克
馬蹄粉.............................................7克
水....................................................250克

做法：
(1) 蒸籠加水大火燒開，鐵盤加油數滴掃均，放入蒸籠內加蓋蒸熱約30秒。
(2) 開蓋，加攪散均勻的粉漿於盤中，使粉漿水在盤上均勻散佈成薄薄的一層。
(3) 排上內餡，大火蒸約3分鐘。
(4) 取出鐵盤，用蛋糕刮刀捲起即可。

內餡材料：
半肥廋豬肉碎…………………………1兩

木耳.................................................小許
香茜.................................................小許
水.....................................................適量

調味料：
鹽、麻油、胡椒粉、粟粉適量

做法： 

(1) 木耳先用熱水浸腍，切絲備用。 

(2) 把調味料、材料加入豬肉碎中攪勻成餡料。

醬油材料：
生油...................................3~4湯匙
老油...................................2~3湯匙(我無加)
糖.......................................4茶匙
滾水...................................半碗
芝麻油................................適量

做法：
(1) 將捲好的腸粉移到碟上。
(2) 加上醬油，即可。