芒果布甸

今日放工返嚟，收到個特別通知，就係二少學校要佢製作一款食物，明天帶回學校分享，好彩家中剛有兩個芒果，即刻落去樓下惠康買兩包芒果啫喱粉，番嚟開工整個超容易做的芒果布甸，重可以交比二少自己整添，當然要我睇住佢啦...

材料：
芒果啫喱粉...........................1盒(113g)
鮮奶......................................1盒(220ml)
滾水......................................8安士(約一滿飯碗)
涷水/冰粒..............................7安士
花奶......................................85g
雞蛋(打勻)............................1隻
芒果(切粒).............................1個

做法：
(1) 將啫喱粉溶於大滾水中，攪拌至完全溶解。
(2) 加入凍水/冰粒，攪勻後待完全涼透。
(3) 先加入鮮奶及花奶，再加入雞液及芒果肉攪勻。
(4) 倒入啫喱杯內，放入雪櫃內凝固便可。