今日姑仔带咗我同二少去親子班，整鳥結糖、曲奇、湯圓，當然整曲奇對我來說很容易啦，所以我最有興趣的是整鳥結糖。不過，竟然有驚喜，今日廚師教我哋整咗佢家鄉的湯圓做法，比起我平時整的重簡單，真係好易、好滑、好味…
二少當然實話好味啦，湯圓係佢的最愛之一，但竟然連唔多鍾意食湯圓的大少都話好味...
其實，佢重有花生餡、奶皇餡的，但我最愛都係黑芝麻。哈哈，所以我只包了黑芝麻餡…
材料 (10粒份量)：
糯米粉.....………………100g
水…………………………100g﹙要視示情況，但不可多於100g﹚
黑芝麻餡……………….50g﹙雜貨舖有售﹚
糖水材料：
水…………………3杯
片糖………………40g﹙可因個人口味增減﹚
薑………………….3-4片
做法：
(1)
把買回來的黑芝麻餡分成十等份，放入雪櫃中冷藏，使黑芝麻餡更容易包入粉團中。
(2)
先把70g水和糯米粉拌勻，用手搓，再慢慢、續少加入水，用手搓至表面不黏手。平均分成10份﹙粉團越小，包餡就比較困難﹚，用手掌稍壓扁小粉團，然後用拇指按壓中間成一小窩，把一粒黑芝麻餡包在裏面。收口後，在雙手掌心輕輕搓圓粉團﹙要用輕力，切勿太大力，否則便會把黑芝麻餡擠壓出來﹚，備用。
(3)
片糖、薑片放入已煮滾的水中，再滾後放入已包好的湯圓。煮時最好不停的輕力攪動，以免湯圓黏底。煮至湯圓浮起，即成。
註：由於不同品牌的糯米粉或新舊不同，含水量也有差異，故用水量要視示情況而定。
